Акафист и канон святому славному пророку, Предтече и Крестителю Господню Иоанну

Фото: www.diveevo.ru

Акафист и канон святому славному пророку, Предтече и Крестителю Господню Иоанну

Память: 20 января (07 января ст. ст.); 07 июня (25 мая ст. ст.); 06 октября (23 сентября ст. ст.); 07 июля (24 июня ст. ст.)

Акафист святому славному пророку, Предтече и Крестителю Господню Иоанну Конда́к 1.

Из­бра́н­ный от ле́т дре́в­них бы́ти Предте́чею и Крести́телем Спа­си́­те­ля ми́­ра Хри­ста́ Бо́­га, Иоа́нне богохва́льне, про­слав­ля́ю­ще просла́вльшаго тя́ Го́с­по­да, по­хва́ль­ная воспису́ем ти́, я́ко бо́льшему все́х рожде́нных жена́ми, во пло́­ти А́нгелу, по­кая́­ния пропове́днику; ты́ же, я́ко име́яй ве́­лие дерз­но­ве́­ние ко Го́с­по­ду, от вся́­ких бе́д сво­бож­да́й и к покая́нию воздвиза́й на́с, лю­бо́­вию те­бе́ зо­ву́­щих:

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

И́кос 1.

Ар­ха́н­гел Гаврии́л, пред­сто­я́й пред Бо́­гом, по́с­лан бы́сть ко иере́ю Заха́рии, ег­да́ то́й, служа́ по чи́ну чреды́ своея́, вни́­де покади́ти в це́р­ковь Госпо́дню; и, пред­ста́в одесну́ю ол­та­ря́ кади́льнаго, благовествова́ше о тво­е́м рождестве́, ве­ли́­кий Иоа́нне, возвеща́я Заха́рии ра́­дость и ве­се́­лие, и я́ко мно́­зи о рождестве́ тво­е́м возра́дуются. Се­го́ ра́­ди и мы́, ди́в­но­му о те­бе́ Бо́­жию благоволе́нию чудя́­щеся и ра́дующеся, со благогове́нием в по­хва­лу́ те­бе́ во­пи­е́м:

Ра́­дуй­ся, Сове́та Бо́­жия не­из­ре­че́н­наго таи́н­ни­че; ра́­дуй­ся, ди́в­на­го смотре́ния Его́ ис­пол­не́­ние.

Ра́­дуй­ся, пре́ж­де ле́т мно́гих проро́чеством Иса́ии проявле́нный; ра́­дуй­ся, ве́стниче пред ли­це́м Госпо́дним, дре́в­ле прорече́нный.

Ра́­дуй­ся, предназна́ченный бы́ти вели́ким проро́ком Вы́ш­ня­го; ра́­дуй­ся, по обетова́нию А́н­ге­ла рожде́нный.

Ра́­дуй­ся, еще́ во чре́ве ма́­те­ре твоея́ Ду́­ха Свя­та́­го ис­по́л­нен­ный; ра́­дуй­ся, пре́ж­де рождества́ тво­его́ на вели́кое служе́ние освя­ще́н­ный.

Ра́­дуй­ся, непло́дства роди́телей разреше́ние; ра́­дуй­ся, иере́я Бо́­жия ра́­дость и ве­се́­лие.

Ра́­дуй­ся, дще́ре Ааро́новы прозябе́ние; ра́­дуй­ся, пло́д мо­ли́т­вы Богодарова́нный.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 2.

Ви́­дя Заха́рия я́вльшагося ему́ А́н­ге­ла, сму­ти́­ся, и стра́х нападе́ на́нь, и не ве́рова словесе́м благове́стия его́ о рождестве́ тво­е́м; ег­да́ же за неве́рие немото́ю свя́зан бы́сть, удивля́шеся пресла́вному чудеси́, все́м се́рд­цем вопия́ Бо́­гу: Алли­лу́иа.

И́кос 2.

Ра́­зум неуразумева́емый ра­зу­ме́­ти и́щуще лю́­дие, жду́ще Заха́рию, и чудя́хуся, уме́длившу ему́ в це́рк­ви; изше́дшу же ему́ и не могу́щу гла­го́­ла­ти к ни́м, но то́кмо помава́ющу, разуме́ша вси́, я́ко виде́ние ви́де в це́рк­ви. Мы́ же, про­слав­ля́ю­ще ди́в­на­го Творца́ чу­де́с, Бо́­га, во­пи­е́м те­бе́ та­ко­ва́я:

Ра́­дуй­ся, бла­ги́й вино́вниче безгла́сия о́тча; ра́­дуй­ся, сле́з ма́­те­ре твоея́ премене́ние на ра́­дость.

Ра́­дуй­ся, тоя́ поноше́ния в лю́­дех отъя́тие; ра́­дуй­ся, вели́кое ро́ждшим тя́ уте­ше́­ние.

Ра́­дуй­ся, я́ко в шесты́й ме́сяц о зача́тии тво­е́м Пре­свя­та́я Де́ва Мари́я в Назаре́те от А́н­ге­ла извести́ся; ра́­дуй­ся, я́ко о рождестве́ тво­е́м мно́­зи возвесели́шася.

Ра́­дуй­ся, я́ко и́мя благода́тное, от А́н­ге­ла нарече́нное, получи́вый; ра́­дуй­ся, я́ко и́ме­нем тво­и́м немотствова́ние от­ца́ тво­его́ Заха́рии разреши́ся.

Ра́­дуй­ся, я́ко и́мя Бо́­жие о те­бе́ от­це́м тво­и́м благослови́ся; ра́­дуй­ся, я́ко о чу́днем рождестве́ тво­е́м стра́х и удив­ле́­ние в о́к­рест живу́щих яви́­ся.

Ра́­дуй­ся, я́ко по все́й стра­не́ Иуде́йстей о ди́внем рождестве́ тво­е́м возвести́ся; ра́­дуй­ся, я́ко то­бо́ю спа­се́­ние мно́гим в ми́­ре се́м яви́­ся.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 3.

Си́­ла Вы́ш­ня­го разреши́ непло́дство заматоре́вшия во дне́х сво­и́х пра́ведныя Елисаве́ты: зача́т бо тя́, сла́в­ный Предте́че Госпо́день, и тая́шеся ме́сяц пя́ть, глаго́лющи: я́ко та́­ко мне́ со­тво­ри́ Гос­по́дь во дни́, в ня́же призре́ отъя́ти поноше́ние мое́ в челове́цех. Ег­да́ же прия́ Иму́щую во чре́ве Хри­ста́, ис­по́л­ни­ся Ду́­ха Свя́та и возо­пи́ гла́сом ве́лиим: «Отку́ду мне́ сие́, я́ко при­и́де Ма́­ти Го́с­по­да мо­его́ ко мне́!» С Не́ю­же ра́дующися, взыва́ше Бо́­гу: Алли­лу́иа.

И́кос 3.

Име́яй предыти́ пред Го́с­по­дем ду́­хом и си́­лою Илиино́ю, еще́ из чре́ва ма́­те­ре твоея́ испо́лнился еси́ Ду́­ха Свя­та́­го, отону́дуже и Проро́к ди́вный по­ка­за́л­ся еси́, ег­да́ во утро́­бе ма́­те­ре твоея́ сы́й, взыгра́лся еси́ ра́дощами прише́ствию Ма́тери Госпо́дней. Бо́­га бо по­зна́л еси́ носи́ма в ложесна́х Бла­го­да́т­ныя и Того́ ма́терним гла́сом про­по­ве́­дал еси́: подоба́ше бо Бо­же́ст­вен­ных веще́й пресла́вным бы́ти нача́лом. Се­му́ у́бо бла­го­го­ве́й­но удивля́ющеся, с ра́­дос­тию те­бе́ во­пи­е́м:

Ра́­дуй­ся, еще́ во утро́­бе ма́терней предпосла́вшаго тя́ Го́с­по­да чу́дным ве­се́­ли­ем предъяви́вый; ра́­дуй­ся, я́ко те­бе́ ра́­ди и ма́тери тво­е́й Елисаве́те воплоще́ние Хрис­то́­во откры́ся.

Ра́­дуй­ся, я́ко и та́ ис­по́л­ни­ся Ду́­ха Свя́та; ра́­дуй­ся, я́ко и она́ преди́вная проро́чица яви́­ся.

Ра́­дуй­ся, я́ко от нея́ Пре­свя­та́я Де́ва Мари́я Блаже́нною в же­на́х нарече́ся; ра́­дуй­ся, я́ко то́ю Она́ и Ма́терию Го́с­по­да наименова́ся.

Ра́­дуй­ся, я́ко и безсе́менный пло́д Тоя́ Благослове́нным пронарече́ся; ра́­дуй­ся, Пре­му́д­ро­сте Бо­же́ст­вен­ныя предъявле́ние.

Ра́­дуй­ся, свя­та́­го супру́жества благослове́ние; ра́­дуй­ся, непло́дных ложе́сн ди́в­ное прозябе́ние.

Ра́­дуй­ся, рожде́нием тво­и́м удиви́вый лю́­ди; ра́­дуй­ся, све́тлый Сло́ва гла́се.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 4.

Бу́­рею сомне́ния смуще́нный, иере́й Заха́рия не можа́ше, по словеси́ а́нгельскому, проглаго́лати. Ег­да́ же по рождестве́ тво­е́м, Предте́че Госпо́день, написа́ благода́тное и́мя твое́, а́бие отверзо́шася ус­та́ и язы́к его́, и гла­го́­ла­ше, благословя́ Бо́­га, и проро́чествова, глаго́ля: бла­го­сло­ве́н Гос­по́дь Бо́г Изра́илев, я́ко посети́ и со­тво­ри́ из­бав­ле́­ние лю́­дем Сво­и́м, и ты́, от­ро­ча́, Проро́к Вы́ш­ня­го нарече́шися, поя́ Тому́: Алли­лу́иа.

И́кос 4.

Слы́шаша о́к­рест живу́щии лю́­дие о пресла́внем и чу́днем рождестве́ тво­е́м, со удивле́нием глаго́лаху в се­бе́: «Что́ у́бо от­ро­ча́ сие́ бу́дет?» Мы́ же тя́, пре­сла́в­ный Предте́че Госпо́день, я́ко бо́льша все́х рожде́нных жена́ми, досто́йно чту́ще, убла­жа́­ем си́­це:

Ра́­дуй­ся, от зача́тия тво­его́ бла­го­да́т­ных явле́ний ис­по́л­нен­ный; ра́­дуй­ся, в рождестве́ тво­е́м Бо́­гом про­сла́в­лен­ный.

Ра́­дуй­ся, во младе́нчестве тво­е́м от от­ца́ тво­его́ Проро́ком Вы́ш­ня­го нарече́нный; ра́­дуй­ся, во о́трочестве тво­е́м Ду́­хом Свя­ты́м про­све­ще́н­ный и укрепле́нный.

Ра́­дуй­ся, Бо́­га воплоти́вшагося сро́дник по пло́­ти бы́вый; ра́­дуй­ся, от Бо́­га высо́кое зва́ние Предте́чи и Крести́теля при­е́мый.

Ра́­дуй­ся, заре́, Све́т но́вый ми́­ру возвести́вшая; ра́­дуй­ся, звез­до́, пу́ть, веду́щий ко Хри­сту́, освети́вшая.

Ра́­дуй­ся, денни́це Со́лн­ца незаходи́маго; ра́­дуй­ся, све­ти́ль­ни­че Све́­та неугаса́емаго.

Ра́­дуй­ся, пу́ть гряду́щему Хри­сту́ уготовля́яй; ра́­дуй­ся, А́н­ге­ла и че­ло­ве́­ка в се­бе́ явля́яй.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 5.

Богопроти́вное веле́ние беззако́ннаго детоуби́йцы И́рода изгна́ тя́ из до́­му о́тча в непрохо́дную пус­ты́­ню, носи́ма ма́терию, Предте́че Госпо́день, иде́­же и пребыва́л еси́ до дне́ яв­ле́­ния тво­его́ ко Изра́илю, яды́й акри́ды и ме́д ди́вий и Бо́­гу вопия́: Алли­лу́иа.

И́кос 5.

Ви́­дя­ще ди́в­ное Бо́­жие о те­бе́ про­мыш­ле́­ние, Иоа́нне богохва́льне, я́ко от младе́нческих пеле́н по́стническаго жи­тия́ люби́тель по­ка­за́л­ся еси́, отону́дуже во́­лею Вы́ш­ня­го по́с­лан бы́л еси́ пропове́дати лю́­дем гряду́щее во Хрис­те́ спа­се́­ние, се­го́ ра́­ди со удивле́нием и лю­бо́­вию те­бе́ взы­ва́­ем:

Ра́­дуй­ся, я́ко, еще́ младе́нец сы́й, ца­ря́ И́рода устраши́л еси́; ра́­дуй­ся, от напра́снаго убие́ния те́м десни́цею Вы́ш­ня­го сохране́нный.

Ра́­дуй­ся, пусты́ни шипо́к бла­го­во́н­ный; ра́­дуй­ся, высото́ю подвиго́в тво­и́х все́х удиви́вый.

Ра́­дуй­ся, пра́ваго пу­ти́ ве́р­ный указа́телю; ра́­дуй­ся, чис­то­ты́ и це­ло­му́д­рия пре­ди́в­ный хра­ни́­те­лю.

Ра́­дуй­ся, ева́нгельскаго самоотверже́ния о́б­ра­зе со­вер­ше́н­ный; ра́­дуй­ся, мо­на́­шест­вую­щих по­кро́­ве и утвер­жде́­ние.

Ра́­дуй­ся, богосло́вствующих умо́в про­све­ще́­ние; ра́­дуй­ся, гре́ш­ным ми­ло­се́р­дия Бо́­жия две́ри отверза́яй.

Ра́­дуй­ся, ка́ющимся гре́шником от Го́с­по­да про­ще́­ние по­да­ва́­яй; ра́­дуй­ся, плоды́ досто́йны по­кая́­ния твори́ти по­мо­га́­яй.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 6.

Про­по­ве́д­ник сла́в­ный ты́, бо­же́ст­вен­ный Предте́че, по­ка­за́л­ся еси́ в пусты́ни Иорда́нстей во дни́ яв­ле́­ния Хри­ста́ Бо́­га ми́­ру. Се­го́ бо, Гряду́щаго к те­бе́, показа́л еси́ лю́­дем, глаго́ля: «Се́, А́г­нец Бо́­жий, взе́мляй гре­хи́ ми́­ра!»; Его́­же мы́ ве́­рою по­зна́в­ше, по­е́м Ему́: Алли­лу́иа.

И́кос 6.

Возсия́л еси́ све́т и́с­ти­ны, Иоа́нне богопросвеще́нне, все́м явля́яй Сла́­вы О́тчия сия́ние, я́вльшееся пло́тски на́с ра́­ди. Вопия́л бо еси́ в пусты́ни лю́­дем: «Пока́йтеся, прибли́жи бо ся Ца́рст­вие Не­бе́с­ное: сотвори́те плоды́ досто́йны по­кая́­ния. Се́ бо гряде́т по мне́, И́же крести́т вы́ водо́ю и Ду́­хом». Се­го́ ра́­ди по­хва́ль­ная те­бе́ во­пи­е́м:

Ра́­дуй­ся, прише́ствия Месси́и возвести́телю; ра́­дуй­ся, путе́й Гос­по́д­них угото́вателю.

Ра́­дуй­ся, ве́тхия и но́выя бла­го­да́­ти хо­да́­таю; ра́­дуй­ся, про­ро́­ков преде́ле и на­ча́­ло Апо́с­то­лов.

Ра́­дуй­ся, гла́се Сло́ва благознамени́тый; ра́­дуй­ся, по­кая́­ния про­по­ве́д­ни­че ве­ле­гла́с­ный.

Ра́­дуй­ся, мно́гих сыно́в Изра́илевых ко Го́с­по­ду обрати́вый; ра́­дуй­ся, лю́­ди соверше́нны Го́сподеви уго­то́­ва­вый.

Ра́­дуй­ся, фарисе́ев и саддуке́ев дерз­но­ве́н­но обличи́вый; ра́­дуй­ся, плоды́ досто́йны по­кая́­ния твори́ти научи́вый.

Ра́­дуй­ся, просвеще́ния духо́внаго указа́телю; ра́­дуй­ся, и́щущым предста́тельства тво­его́ не­усы́п­ный зас­ту́п­ни­че.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 7.

Хо­тя́­щу от те­бе́ крести́тися Го́с­по­ду Иису́­су, Иоа́нне богоблаже́нне, глаго́лал еси́: «А́з тре́бую То­бо́ю крести́тися», оба́­че повину́яся, ре́кшу Тому́: «Оста́­ви ны́­не», воздви́гл еси́ десни́цу твою́ на гла­ву́ Его́ и, крести́в не тре́бующаго очище́ния, вопия́л еси́: Алли­лу́иа.

И́кос 7.

Но́вую по­дая́ бла­го­да́ть крести́тися изво́ливый от те­бе́ Гос­по́дь, спо­до́­би тя́ Ду́­ха прише́ствие ви́дети и гла́с О́тческий с Не­бе­се́, свиде́тельствующий Его́ Сыновство́, слы́шати. Отону́дуже в Трие́х Ли́цех Еди́­но­му Бо́­гу покланя́тися на́с научи́л еси́. Его́­же бре́н­ны­ми про­слав­ля́ю­ще уст­на́­ми, в по­хва­лу́ сия́ те­бе́ при­но́­сим:

Ра́­дуй­ся, Тро́и­чес­ка­го Богоявле́ния пе́рвый про­по­ве́д­ни­че; ра́­дуй­ся, в Трие́х Ли́цех Еди́­на­го Бо́­га и́с­тин­ный покло́нниче.

Ра́­дуй­ся, Ду́­ха Свя­та́­го в ви́де голуби́не яснозри́телю; ра́­дуй­ся, снисхожде́ния Его́ от От­ца́ на Сы́­на свиде́телю.

Ра́­дуй­ся, гла́­са с Не­бе­се́ от Бо́­га От­ца́ слы́шателю; ра́­дуй­ся, яв­ле́­ния люб­ве́ О́тчи к Сы́­ну созерца́телю.

Ра́­дуй­ся, Сы́­на Бо́­жия из­бра́н­ный Крести́телю; ра́­дуй­ся, во́ли Его́ свя­ты́я исполни́телю.

Ра́­дуй­ся, сла́внаго слу­же́­ния спа­се́­нию ро́­да че­ло­ве́­чес­ка­го ре́в­ност­ный рачи́телю; ра́­дуй­ся, вели́каго Та́инства Креще́ния пе́рвый соверши́телю.

Ра́­дуй­ся, Бо­же́ст­вен­ныя ра́­дос­ти ве́стниче; ра́­дуй­ся, Но́­ва­го Заве́та пе́рвый учи́­те­лю.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 8.

Стра́н­ное и не­из­ре­че́н­ное сми­ре́­ние воплоти́вшагося Бо́­га Сло́ва ви́­дев, богоблаже́нне Крести́телю, Боже́ственную Свою́ гла­ву́ приклони́вша и ра́бское креще́ние прие́мша, ты́ и са́м ве́сь испо́лнился еси́ вели́каго сми­ре́­ния. Ис­про­си́ у́бо боголюбе́зную доброде́тель сию́ и на́м, одержи́мым го́рдостию, я́ко да от серд­ца́ смире́нна во­пи­е́м Ему́: Алли­лу́иа.

И́кос 8.

Ве́сь бла­го­да́т­ных да­ро­ва́­ний ис­по́л­нен­ный, те­че́­ние вре́менныя жи́з­ни скончава́я, Иоа́нне богознамени́те, все́х поуча́л еси́ исполне́нием Зако́на и покая́нием благоугожда́ти Го́сподеви. Се­го́ ра́­ди бла­го­да́р­ствен­ное хвале́ние те­бе́, ве­ли́­кому учи́­те­лю и́с­ти­ны, вос­пе­ва́­ем:

Ра́­дуй­ся, Зако́на и оправда́ний Гос­по́д­них на­са­ди́­те­лю; ра́­дуй­ся, И́родова без­за­ко́­ния обличи́телю.

Ра́­дуй­ся, о исправле́нии того́ рачи́телю; ра́­дуй­ся, пра́в­ды ра́­ди темни́чное заключе́ние и у́зы претерпе́вый.

Ра́­дуй­ся, за и́с­ти­ну во гла­ву́ усече́нный; ра́­дуй­ся, я́ко те́­ло твое́ от ученико́в тво­и́х че́стне погребе́ся.

Ра́­дуй­ся, я́ко Бо́­жи­им смотре́нием глава́ твоя́ нетле́нна соблюде́ся; ра́­дуй­ся, я́ко та́ на уте­ше́­ние, ос­вя­ще́­ние и цельбы́ христиа́ном даде́ся.

Ра́­дуй­ся, я́ко и десни́це тво­е́й, крести́вшей Го́с­по­да, ве́рнии благоче́стне по­кла­ня́­ют­ся; ра́­дуй­ся, я́ко от те­бе́ мно́гая чу­де­са́ те́ми доны́не соверша́ются.

Ра́­дуй­ся, я́ко то­бо́ю ве́рнии от страс­те́й безче́стия из­бав­ля́­ют­ся; ра́­дуй­ся, я́ко то­бо́ю гре́ш­нии к покая́нию воздвиза́ются.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 9.

Все́ ес­тес­тво́ а́н­гель­ское уди­ви́­ся вы­со­те́ слу­же́­ния тво­его́, и Це́р­ковь бла­го­го­ве́й­но прославля́ет тя́, я́ко дру́га Хри­ста́ Бо́­га, предше́дшаго пред Ни́м ду́­хом и си́­лою Илиино́ю. Ревну́я бо по и́стине, дерз­но­ве́н­но облича́л еси́ фарисе́ев и беззако́ннаго И́рода, от не­го́ же и му́­че­ни­чес­кую кон­чи́­ну при­я́л еси́. Покланя́ющеся у́бо чест­не́й главе́ тво­е́й, мо́­лим­ся ти́: из­ба́­ви на́с от страс­те́й безче́стия, да чи́стым се́рд­цем и ус­ты́ по­е́м: Алли­лу́иа.

И́кос 9.

Вити́йство вся́­кое земноро́дных не довле́ет досто́йно вос­хва­ли́­ти тя́, Иоа́нне богохва́льне: те­бе́ бо ус­та́ Хри­сто́­вы похвали́ша, вы́сша про­ро́­ков и бо́льша все́х рожде́нных жена́ми тя́ наименова́ша. Отону́дуже досто́йную по­хва­лу́ при­нес­ти́ те­бе́ недоумева́юще, во­пи­е́м ти́ си­це­ва́я:

Ра́­дуй­ся, Це́рк­ве Хри­сто́­вы ве­ли́­кая сла́­во; ра́­дуй­ся, А́н­ге­лов преди́вное чу́­до.

Ра́­дуй­ся, пра́отцев ра́­дость и прославле́ние; ра́­дуй­ся, про­ро́­ков вы­со́­кая по­хва­ло́.

Ра́­дуй­ся, Апо́с­то­лов богосве́тлый ве́н­че; ра́­дуй­ся, свя­ти́­те­лей велеле́пая кра­со­то́.

Ра́­дуй­ся, му́­че­ни­ков в но́вой бла­го­да́­ти на­ча́­ло; ра́­дуй­ся, пре­по­до́б­ных соверше́ние.

Ра́­дуй­ся, пра́­вед­ных удо­бре́­ние; ра́­дуй­ся, де́вственников и по́ст­ни­ков ос­но­ва́­ние.

Ра́­дуй­ся, все́х хри­сти­а́н вели́кое уте­ше́­ние; ра́­дуй­ся, я́ко от все́х христиа́нских ро­до́в и́мя твое́ прославля́ется.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 10.

Спас­ти́ ми́р прише́дшаго во пло́­ти Хри­ста́ Бо́­га благовести́л еси́ и су́­щим во а́де: я́ко­же бо денни́ца, предходя́щая со́лн­цу, освети́л еси́ во тьме́ и се́ни сме́ртней седя́щих. Отону́дуже вско́ре Го́с­по­дем изведе́н бы́л еси́ со все́­ми от ве́­ка пра́­вед­ны­ми, поя́ Ему́, я́ко Изба́вителю и По­бе­ди́­те­лю сме́р­ти: Алли­лу́иа.

И́кос 10.

Сте­на́ и при­бе́­жи­ще спа­си́­тель­ное все́м, моли́твенно к те­бе́ при­те­ка́ю­щим, бо­же́ст­вен­ный Иоа́нне: се­го́ ра́­ди пе́снь­ми похва́льными убла­жа́­ем тя́ си́­це:

Ра́­дуй­ся, мо́щный зас­ту́п­ни­че на́ш и ве́р­ный от бе́д хра­ни́­те­лю; ра́­дуй­ся, злостра́ждущих от ду­хо́в зло́бы ско́­рый по­мо́щ­ни­че и изба́вителю.

Ра́­дуй­ся, непло́дствующим благослове́ние от Бо́­га низ­по­сы­ла́­яй; ра́­дуй­ся, при­те­ка́ю­щих к те­бе́ с ве́­рою от треволне́ния страс­те́й избавля́яй.

Ра́­дуй­ся, во вражде́ су́­щих ско́ро умиротворя́яй; ра́­дуй­ся, во вся́­кой нужде́ и пе­ча́­ли усе́рд­но при­те­ка́ю­щим к те­бе́ ско́рую по́­мощь по­да­ва́­яй.

Ра́­дуй­ся, благотеку́щих от самообольще́ния и пре́­лес­ти изыма́яй; ра́­дуй­ся, вруча́ющим се­бе́ тво­ему́ хо­да́­тай­ству в ча́с сме́ртный по­мо­га́­яй.

Ра́­дуй­ся, лю́бящих тя́ от возду́шных мыта́рств пред­ста́­тель­ством тво­и́м свобожда́яй; ра́­дуй­ся, по­чи­та́ю­щих сла́вную па́­мять твою́ ве́ч­ныя жи́з­ни мо­ли́т­ва­ми тво­и́ми сподобля́яй.

Ра́­дуй­ся, ни́­щих и вдо­ви́ц и си­ро́т за­ступ­ле́­ние; ра́­дуй­ся, по Бо́­зе и Бо­го­ро́­ди­це христиа́ном при­бе́­жи­ще и упо­ва́­ние.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 11.

Пе́­ние вся́­кое не довле́ет по до­стоя́­нию до́блестей тво­и́х вос­хва­ли́­ти тя́, Крести́телю Госпо́день; но мы́, лю­бо́­вию пону́ждени, дерза́ем вос­пе­ва́­ти ве­ли́­чия твоя́, е́же ми́лостивно при­ими́ от на́с, первостоя́телю у Пре­сто́­ла Пре­свя­ты́я Тро́ицы, и мо­ли́ свободи́тися на́м от вся́­кия скве́р­ны гре­хо́в­ныя, да чи́стым се́рд­цем и уст­на́­ми по­е́м Бо́­гу: Алли­лу́иа.

И́кос 11.

Све­ти́ль­ни­ка Све́­та непристу́пнаго и всесве́тлых бла­го­да́т­ных да­ро­ва́­ний всего́ испо́лнена тя́, Иоа́нне богопросвеще́нне, ве́­ду­ще, ра́­дост­но при­но́­сим ти́ та­ко­ва́я:

Ра́­дуй­ся, самови́дче озари́вшаго тя́ свы́­ше Бо­же́ст­вен­на­го Све́­та; ра́­дуй­ся, све́­том доб­ро­де́­те­лей тво­и́х просла́вивый Бо́­га.

Ра́­дуй­ся, Пре­свя­ты́я Тро́ицы велеле́пую сла́­ву яви́­вый; ра́­дуй­ся, пра́вый и ди́вный пу́ть к Не­бе­си́ показа́вый.

Ра́­дуй­ся, и су́­щим во а́де Бо́­га, я́вльшагося во пло́­ти, благовести́телю; ра́­дуй­ся, ду́ш пра́­вед­ных, от ве́­ка в преиспо́дней держи́мых, возвесели́телю.

Ра́­дуй­ся, Влады́ки Хри­ста́ Бо́­га дру́­же и́скренний; ра́­дуй­ся, яви́­вый ми́­ру Све́т и́с­тин­ный.

Ра́­дуй­ся, светоза́рное све́­та ева́нгельскаго сия́ние; ра́­дуй­ся, ро́­да хри­сти­а́н­ска­го прославле́ние.

Ра́­дуй­ся, Сове́та Бо́­жия ис­пол­не́­ние; ра́­дуй­ся, я́ко от восто́к со́лн­ца да́же до за́пад хва́льно и́мя твое́.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 12.

Бла­го­да́­ти тезоимени́тый, Крести́телю Госпо́день, и то́ю обогати́вся, победоно́сец пре­сла́в­ный по­ка­за́л­ся еси́: победи́л бо еси́ вра­ги́ и вся́­кую зло́бу, и вели́кое служе́ние твое́ му́­че­ни­чес­ким по́двигом запечатле́л еси́. Ны́­не же, пред­стоя́ Пре­сто́­лу Ца­ря́ ца́рст­вую­щих, мо­ли́ Его́ дарова́ти ве́р­ным по­бе́­ды на вра­ги́ и во все́м благопоспеше́ние, в доброде́телех же благода́тное укреп­ле́­ние, пою́щым Ему́: Алли­лу́иа.

И́кос 12.

Пою́­ще Бо́­га, ди́в­но в те­бе́ просла́вльшагося, хва́­лим тя́, богоблаже́нне Крести́телю, я́ко и́скренняго дру́га Хри­сто́­ва, прославля́ем ве­ли́­кия по́д­ви­ги твоя́, убла­жа́­ем му́­че­ни­чес­кую кон­чи́­ну твою́ и си­це­ва́я ра́­дост­но во­пи­е́м ти́:

Ра́­дуй­ся, вселе́нский Апо́столе и Но́­ва­го Заве́та первому́чениче; ра́­дуй­ся, яв­ле́­ни­ем Хри­ста́ на зем­ли́ откры́вшагося Ца́рст­вия Не­бе́с­на­го пе́рвый про­по­ве́д­ни­че.

Ра́­дуй­ся, язы́ков Бо­же́ст­вен­ное призва́ние предвозвести́вый; ра́­дуй­ся, безве́стная и та́йная пре­му́д­ро­сти Бо́­жия ми́­ру яви́­вый.

Ра́­дуй­ся, боже́ственными дея́нии плодоно́сен па́­че ины́х яви́­вый­ся; ра́­дуй­ся, я́ко све́­том де́л тво­и́х про­сла́­ви­ся Оте́ц Не­бе́с­ный.

Ра́­дуй­ся, я́ко в па́мяти тво­е́й Це́р­ковь Христо́ву весели́ши неизрече́нно; ра́­дуй­ся, я́ко ны́­не ве́ч­на­го на­слаж­да́е­ши­ся ве­се́­лия изоби́льно.

Ра́­дуй­ся, боже́ственными лу­ча́­ми Три­со́л­неч­на­го Све́­та осия­ва́е­мый; ра́­дуй­ся, я́ко со безпло́тными Трисвяту́ю пе́снь Бо́­гу немо́лчно вопие́ши.

Ра́­дуй­ся, я́ко ны́­не, зерца́лом разре́шшимся, несре́дственне зри́ши Свя­ту́ю Тро́ицу.

Ра́­дуй­ся, ве­ли́­кий Иоа́нне, Проро́че, Предте́че и Крести́телю Госпо́день.

Конда́к 13.

О ве­ли́­кий и пре­сла́в­ный Предте́че и Крести́телю Госпо́день Иоа́нне, при­ими́ от на́с ны́­не при­но­си́­мое те­бе́ мо­ле́­ние и тво­и́ми богоприя́тными к Бо́­гу мо­ли́т­ва­ми из­ба́­ви на́с от вся́­ка­го зла́, и ве́ч­ныя из­ми́ му́­ки, и насле́дниками Ца́рст­вия Не­бе́с­на­го соде́лай, да во ве́­ки по­е́м Бо́­гу: Алли­лу́иа.

Этот конда́к чи­та­ет­ся трижды, затем 1-й и́кос «Ар­ха́н­гел Гаврии́л...» и 1-й конда́к «Из­бра́н­ный от ле́т...».

Мо­ли́т­ва.

Крести́телю Хрис­то́в, про­по­ве́д­ни­че по­кая́­ния, ка́ющагося не пре́­зри ме­не́, но, совокупля́яся с во́и Небе́сными, мо­ли́­ся ко Вла­ды́­це за ме­не́, не­до­сто́й­на­го, уны́лаго, немощна́го и печа́льнаго, во мно́­гия бе­ды́ впа́дшаго, утружде́ннаго бу́рными по́мыслы ума́ мо­его́. А́з бо е́смь верте́п злы́х де́л, отню́д не име́яй кон­ца́ грехо́вному обы́чаю: пригвожде́н бо е́сть у́м мо́й земны́м веще́м. Что́ сотворю́, не ве́м, и к кому́ прибе́гну, да спасе́на бу́дет душа́ моя́, то́кмо к те­бе́, свя­ты́й Иоа́нне, бла­го­да́­ти те­зо­име­ни́­те, я́ко тя́ пред Го́с­по­дем, по Бо­го­ро́­ди­це, ве́м бо́льша бы́ти рожде́нных все́х: ты́ бо спо­до́­бил­ся еси́ косну́тися верху́ Ца­ря́ Хри­ста́, взе́млющаго гре­хи́ ми́­ра, А́гнца Бо́­жия. Его́­же мо­ли́ за гре́шную мою́ ду́­шу, да поне́ отны́не, в первыйна́десять ча́с, понесу́ тяготу́ благу́ю и прииму́ мзду́ с после́дними. Е́й, Крести́телю Хрис­то́в, чест­ны́й Предте́че, кра́йний проро́че, пе́рвый во бла­го­да́­ти му́чениче, по́ст­ни­ков и пусты́нников на­ста́в­ни­че, чис­то­ты́ учи́­те­лю и бли́жний дру́­же Хрис­то́в, тя́ молю́, к те­бе́ прибега́ю, не от­ри́­ни ме­не́ от тво­его́ за­ступ­ле́­ния, но возста́ви мя́, па́дшагося мно́­ги­ми гре­хи́: обнови́ ду́­шу мою́ покая́нием, я́ко вторы́м креще́нием, по­не́­же обоего́ нача́льник еси́: креще́нием омыва́яй гре́х, по­кая́­ние же пропове́дуяй во очи­ще́­ние кого́ждо де́л скве́рных: очи́с­ти у́бо мя́, грех­ми́ оскверне́ннаго и пону́ди вни́ти, а́може ни­что́же скве́рно вхо́дит в Ца́рст­вие Не­бе́с­ное. Ами́нь.



Припев: Святы́й вели́кий Иоа́нне, Предте́че и Крести́телю Госпо́день, моли́ Бо́га о на́с.

Память: 07 июля (24 июня ст. ст.)

Каноны на рождество Пророка, Предтечи и Крестителя Господня Иоанна Пе́снь 1.

Ирмо́с:  Триста́ты кре́пкия, Рожде́йся от Де́вы, безстра́стия во глубине́ души́ трича́стное потопи́, молю́ся, да Тебе́, я́ко в тимпа́не, во умерщвле́нии телесе́ побе́дное воспою́ пе́ние.

Я́ко у́тро благоле́пно, Со́лнца предтеки́й, непло́дныя прозябе́ние пропове́дает я́ве Де́вы Рождество́, все́й ны́не вселе́нней сия́ет конце́м просвеще́ние благоче́стия и благода́ти.

Проро́к Вы́шняго и́стинно нарече́шися, предъи́деши бо пред лице́м Христа́, – вопие́т тебе́, сы́ну, Иоа́нне прехва́льне, Ду́хом Заха́рия Пресвяты́м носи́мь, – пу́ть угото́вати Зижди́телю.

Глаго́лы Гаврии́ла Заха́рия слы́шав, веща́ния Боже́ственнаго, яви́ся непокори́в, и молча́нием осужда́ется, реши́тся же внеза́пу от сего́: гла́с бо роди́ся Сло́ва, Иоа́нн Предте́ча.

Богоро́дичен:  Гра́д Бо́жий, Всецаря́ Богоприя́тное селе́ние, сокро́вище честно́е, Богоро́дице Пренепоро́чная, сохрани́ достоя́ние Твое́, при́сно восхваля́ющее Тя́ и чту́щее ве́рою Рождество́ Твое́.

И́н. гла́с то́йже.

Ирмо́с:  Наста́вльшему дре́вле Изра́иля, бежа́щаго от рабо́ты фарао́новы, и в пусты́ни пита́вшему, пои́м Изба́вителю, Бо́гу на́шему, я́ко просла́вися.

Молча́ние ста́рчо зако́ннаго писа́ния о́браз но́сит та́ин. И́бо, прише́дши благода́ти, Моисе́й умолча́: подоба́ше бо, прему́дрости сокро́вищу я́вльшуся, все́м молча́ти.

В це́ркви кадя́щу свяще́ннику, А́нгел предста́ свы́ше, вопия́: стра́нна рождества́ благове́стие, приидо́х, тебе́ нося́, ста́рче: прии́меши бо от непло́дове рожде́ния пло́д, Крести́теля Христо́ва.

Что́ удиви́лся еси́, ста́рче? Что́, не ве́руя, стои́ши, глаго́лющему тебе́ сия́? А́нгел бо е́сть веща́яй, а́ще и о́браз но́сит челове́чь. Бу́ди не́м у́бо на вре́мя, да́же до рождества́ Сло́ва гла́са.

И́же молча́ние Заха́риино, молча́ния положи́в о́браз зако́ну напи́санному и те́м показа́в ми́ покая́ния пропове́дника зову́ща, гла́са вопию́щаго подава́ет, непло́дствующей сы́на.

О, пресла́вных веще́й Христо́ва Предте́чи! И́же, пре́жде пеле́н позна́в плени́цы на́ша Разре́шшаго и наро́ды Освя́щша, дне́сь, от Елисаве́ти роди́вся, разреша́ет отцу́ гла́с.

Богоро́дичен:  Тя́, Бо́жие вмести́лище и мы́сленную ле́ствицу, е́юже сни́де Бо́г и, вообра́жся, на́ше у́бо существо́ на Небеса́ возведе́, вси́ я́ко спасе́нию Хода́таицу восхваля́ем.

Пе́снь 3.

Ирмо́с:  Не му́дростию, и си́лою, и бога́тством хва́лимся, но Тобо́ю, о́тчею Ипоста́сною Му́дростию, Христе́: не́сть бо свя́т, па́че Тебе́, Человеколю́бче.

Влады́чне у́бо от Де́вы соверша́ется рожде́ние, но раба́ любе́зна от ста́рицы и непло́дныя ма́тере: в ле́поту предти́чет у́бо чу́до чудеси́.

Ста́рица и непло́ды Де́ву Ма́терь лобза́ет, позна́вши нело́жно Сея́ Рождество́, я́ко разреши́ся соу́з непло́дства Боже́ственным хоте́нием.

Богоро́дичен:  Неискусобра́чно Бо́га воплоще́нна ро́ждши, страсте́й прило́ги обурева́емаго мя́ утверди́: не́сть бо, Пречи́стая, ра́зве Тебе́ помо́щницы.

И́н.

Ирмо́с:  Утвержда́яй гро́м и созида́яй ду́х, утверди́ мене́, Го́споди, да Тя́ пою́ и́стинно и творю́ во́лю Твою́, я́ко не́сть свя́т; я́ко Ты́, Бо́же на́ш.

Елисаве́ть, пре́жде непло́ды су́щи, Христе́, Це́рковь Твою́ прообража́ше, я́же от язы́к, и, ро́ждши пресла́вно, па́ки показу́ет многоча́дну непло́ды я́вльшуюся иногда́.

Пути́ у́бо испра́вль Госпо́дни, стезю́ проугото́вав, покая́ния же плоды́ показа́л еси́ челове́ком и жи́зненному научи́л еси́ пути́, проро́че и пропове́дниче Христо́в.

Елисаве́ть, дне́сь игра́ющи, но́сит тя́, Предте́че, на объя́тиях состаре́вшихся и вопие́т, хва́лящися: не́сть свя́т, я́коже Ты́, Го́споди Бо́же на́ш.

Богоро́дичен:  Пра́отцев разреши́ла еси́ печа́ль, ра́дость на́м ро́ждшая, Животода́вца и Изба́вителя, Его́же, Пречи́стая Богоро́дице, приле́жно моли́ спасти́ся ста́ду Твоему́.

Седа́лен, гла́с 8.

Заха́риин гла́с све́тло разреши́ Словесе́ гла́с ро́ждься, Предте́ча, и зако́на непло́дие все́м показа́, зовы́й: пока́йтеся, су́щии на земли́, се́ бо прии́де и яви́ся Иису́с, вся́ хотя́ изба́вити от пе́рвыя кля́твы, просвеща́я Креще́нием. Вои́стинну чу́до пресла́вно!

Сла́ва:  Я́коже со́лнце све́тло, из чре́ва Елисаве́ти возсия́ на́м Заха́риин сы́н, и о́тчее разреши́ безгла́сие, и все́м лю́дем в дерзнове́нии мно́зе, испра́вите, – вопия́, – пу́ть Госпо́день, и́бо То́й свободи́т и спасе́т к Нему́ притека́ющия. Его́же пропове́дал еси́, Иоа́нне, моли́ спасти́ся душа́м на́шим.

Богоро́дичен:  Обнови́ла еси́, Чи́стая, Боже́ственным Рождество́м Твои́м истле́вшее во страсте́х земноро́дных ме́ртвенное существо́ и воздви́гла еси́ вся́ от сме́рти к животу́ нетле́ния. Те́мже Тя́ по до́лгу блажи́м вси́, Де́во Препросла́вленная, я́коже прорекла́ еси́.

Пе́снь 4.

Ирмо́с:  Седя́й в сла́ве на Престо́ле Божества́ во о́блаце ле́гце, прии́де Иису́с Пребоже́ственный Нетле́нною Дла́нию и спасе́ зову́щия: сла́ва, Христе́, си́ле Твое́й.

Та́ин неизрече́нных предхо́дит та́инство новосече́нием законоположе́ния есте́ственнаго, боле́зни разреше́ние провозвеща́ющи, исправле́ние сея́, Христе́, и обоже́ние.

Иса́ия от Отца́ Сы́ну проро́чествова, воплоти́тися хотя́щему: А́нгела земноро́дна равноа́нгельна се́ А́з посыла́ю пред лице́м Твои́м, зову́ща: сла́ва, Христе́, си́ле Твое́й.

Служи́ти, я́ко ра́б Влады́це, роди́хся: на се́ бо приидо́х, Сего́ возвести́ти прише́ствие, я́ко да Де́вы Рождество́ предуве́рит, пресла́вно непло́дствующая ста́рица прозя́бши.

Богоро́дичен:  Свята́я Богоро́дица, в Ню́же всели́тися благоизво́ли, я́ко во благово́нен до́м, Сло́во О́тчее Пребоже́ственное, не растле́ся утро́бою, ни поболе́, и́бо роди́ Емману́ила, Бо́га и Челове́ка.

И́н.

Ирмо́с:  Услы́шах сла́вное смотре́ние Твое́, Христе́ Бо́же, я́ко роди́лся еси́ от Де́вы, да от ле́сти изба́виши зову́щия: сла́ва си́ле Твое́й, Го́споди.

Покая́ние отве́рзеся твои́м рождество́м, Предте́че и пропове́дниче. Ты́ бо еди́н пропове́дал еси́, взыва́я: пока́йтеся, Ца́рство Небе́сное прибли́жися.

Де́вство утвержда́ется и целому́дрие торжеству́ет, пусты́ня весели́тся и ми́р пра́зднует рождество́м твои́м, Предте́че.

Елисаве́ть ра́дуется, и Заха́рия веща́ет па́ки: о́ба у́бо обновля́ются по ста́рости Иоа́нновым а́бие гла́сом и просвеща́ются.

Богоро́дичен:  Неопали́мую купину́ Тя законополо́жник зря́ще дре́вле, Дании́л же го́ру святу́ю смотря́ше, еди́на Ма́ти Де́во, Влады́чице.

Пе́снь 5.

Ирмо́с:  Ны́не воста́ну, проро́чески рече́ Бо́г, ны́не просла́влюся, ны́не вознесу́ся, па́дшаго прие́м от Де́вы и к све́ту у́мному вознося́й Моего́ Божества́.

Земля́ израсти́ всеи́стинна пропове́дника, гла́са, все́м пропове́дающа язы́ком Ду́ха, Де́вы Сы́на, Пра́вду, с Небесе́ на на́с прини́чущую ве́щию теле́сною.

Положи́ Госпо́дь всеи́стинна свети́льника тя́ Христо́ва, вся́ просвеща́ющаго, еди́ны одева́юща вражду́ющия Ему́, я́ко ри́зою, в сту́д, нело́жно Бо́жия Сло́ва Сы́на пропове́дающа.

Весели́тся вся́ тва́рь твои́м рождество́м, Боже́ственне: ты́ бо зе́млен А́нгел, Предте́че, и Небе́сный челове́к показа́лся еси́, Небе́снаго Бо́га провозвеща́я на́м воплоще́нна.

Богоро́дичен:  От Тебе́ ражда́ется от Отца́ Сы́й, с Тобо́ю при́сно, Сло́во присносу́щное и неразде́льное, я́ко Сы́н Единоро́дный, и напосле́док от Де́вы То́йже от Свята́го воплоща́ется Ду́ха.

И́н.

Ирмо́с:  Возсия́й ми́, Го́споди, све́т повеле́ний Твои́х, я́ко к Тебе́ ду́х мо́й у́треннюет и пое́т Тя́: Ты́ бо еси́ Бо́г на́ш, и к Тебе́ прибега́ю, Царю́ ми́ра.

Звезду́ проугото́вал еси́, Пра́вды Со́лнце, Крести́теля Твоего́ Иоа́нна, от обеща́ния рожде́ннаго дне́сь и ро́ждшаго разре́шша гла́с.

Не веща́й, не сопроти́в глаго́ли, ста́рче освяще́нне, Гаврии́л бо глаго́лет ти́, пе́рвый во Арха́нгелех, Бо́жия та́инства и е́же к на́м Того́ сни́тие сказу́я.

Ста́рче, не неве́руй, Бо́г бо обещава́ет, я́ко в ста́рости роди́ши сы́на, его́же о рождестве́ мно́зи возра́дуются, то́й бо прии́дет си́лою Илиино́ю.

Проро́че, пропове́дниче, Предте́че, е́же от непло́ды прозябе́ние, возвести́телю покая́ния, пусты́нное овча́, Све́та свети́льниче, о все́х моли́, чту́щих тя́ ве́рно.

Богоро́дичен:  Я́ко две́рь непроходи́му, и купину́ неопали́му, и несеко́му го́ру, от нея́же ка́мень усече́ся, И́же из Тебе́ воплоща́емый, воспева́ем, Влады́чице, Ма́ти все́х Творца́.

Пе́снь 6.

Ирмо́с:  Приидо́х во глубины́ морски́я, и потопи́ла мя́ е́сть бу́ря мно́гих грехо́в, но, я́ко Бо́г, из глубины́ возведи́ живо́т мо́й, Многоми́лостиве.

Бо́га Сло́ва позна́л еси́, я́ко проро́к, в ма́терней утро́бе, и, сея́ язы́ка употреби́в, богосло́виши в те́мне черто́зе, обожа́емь Све́том Непристу́пным.

Немо́лчно, я́ко гла́с вопию́щаго, Изба́вителя ми́ра, Крести́телю, моля́ не преста́й душе́вное разреши́ти непло́дие пою́щих твое́ рождество́.

Богоро́дичен:  Непристу́пнаго Божества́ селе́ние, Чи́стая, Твоя́ утро́ба яви́ся, о Богоро́дице, на ню́же без боя́зни Небе́снии чи́нове взира́ти не мо́гут.

И́н.

Ирмо́с:  Бу́ря мя́ помышле́ний, пости́гши, во глубину́ низвлачи́т мя́ безме́рных грехо́в, но Ты́, Упра́вителю Благи́й, предвари́в, упра́ви, я́ко проро́ка, и спаси́ мя.

Дне́сь пусты́нный граждани́н Иоа́нн ражда́ется, покая́ния пропове́дник и благода́ти свиде́тель и́стинен, Предте́ча Сло́ва и Све́ту предсия́ющая звезда́.

Дне́сь секи́ра, искова́вшися, посече́ние предлага́ет душа́м непло́дия, и насажда́ет плоды́ доброде́тельныя, преды́дет тве́рдо в рождестве́ твое́м, Предте́че.

Возра́довася Иорда́н пресла́вно и игра́ет, науча́яся, Иоа́нна слы́ша, от непло́дна рожде́на чре́ва, мо́ре же лику́ет водны́ми игра́нии.

Свети́льник, Све́та прише́ствие предте́к, пропове́да А́гнца Бо́жия, Спа́са, све́т возсия́вшаго земли́, естества́ же всего́ духо́вне преджре́на.

Богоро́дичен:  Бе́здну ми́лости ро́ждшая, страсте́й мои́х бе́здну пучи́ною щедро́т Твои́х потопи́вши, ту́чу от души́ пода́ждь ми́ сле́з, Богороди́тельнице Всенепоро́чная.

Конда́к, гла́с 3.

Пре́жде непло́ды дне́сь Христо́ва Предте́чу ражда́ет, и то́й е́сть исполне́ние вся́каго проро́чества: Его́же бо проро́цы пропове́даша, на Сего́ во Иорда́не ру́ку положи́в, яви́ся Бо́жия Сло́ва проро́к, пропове́дник, вку́пе и Предте́ча.

И́кос:

Восхва́лим ны́не Госпо́дня Предте́чу, его́же свяще́ннику Елисаве́ть роди́ из ложе́сн непло́дных, но не без се́мене: Христо́с бо еди́н вмести́лище про́йде непроходи́мо без се́мене. Иоа́нна непло́ды роди́, без му́жа же сего́ не роди́, Иису́са же, осене́нием Отца́ и Ду́ха Бо́жия, Де́ва роди́ Чи́стая. Но Безсе́менному яви́ся от непло́дныя проро́к и пропове́дник, вку́пе и Предте́ча.

Пе́снь 7.

Ирмо́с:  Ю́ноши три́ в Вавило́не, веле́ние мучи́телево на бу́йство прело́жше, посреде́ пла́мене вопия́ху: благослове́н еси́, Го́споди, Бо́же оте́ц на́ших.

Бя́ше пе́рвее во мра́це вся́ко земноро́дных естество́, о Предте́че, но у́тро, вопия́, яви́лся еси́: благослове́н еси́, Го́споди, Бо́же оте́ц на́ших.

Неду́говавшее исцели́ естество́ все́, сла́вное от непло́дныя твое́ рождество́, научи́вшее, Предте́че, пе́ти: благослове́н еси́, Го́споди, Бо́же оте́ц на́ших.

Роди́лся еси́, Предте́че, от непло́дныя, прии́де бо всеи́стинно, зако́ну непло́дствующу, благода́ть, Христу́ пою́щи: благослове́н еси́, Го́споди, Бо́же оте́ц на́ших.

Богоро́дичен:  Де́во Благослове́нная, моли́ о на́с, моля́щих Тя́, на Тя́ бо упова́ем вси́ и Тебе́ вопие́м: Влады́чице, не пре́зри рабо́в Твои́х.

И́н.

Ирмо́с:  В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Заха́рия, умолча́в на вре́мя, возвести́ молча́ние писа́нием и, па́ки провеща́в, рождество́м твои́м, Предте́че, Ду́ха благода́ть возвеща́ет пресла́вно.

Це́ркви подо́бится непло́ды безча́дная, Елисаве́ть всечестна́я, я́же пе́рвее у́бо су́щи тре́бами и сква́рами очерне́на, ны́не же хва́лящися и добро́тою и рожде́нием.

Предте́чи рождество́м остри́тся дне́сь секи́ра духо́вная, е́юже вся́ посека́ются страсте́й взыгра́ния, та́йно же процвета́ют плоды́ покая́ния.

Я́ко ве́тхаго и но́ваго хода́тая тя́, Предте́че, и стези́ исправля́юща Христо́вы, очища́ющаго согреше́ний гумно́ духо́вною лопа́тою, почита́ем, Иоа́нне.

И́же пред Со́лнцем те́кшаго, Христо́м Бо́гом на́шим, Иоа́нна сла́внаго, я́ко звезду́, Предте́чу и покая́ния пропове́дника воспое́м вси́, от непло́дныя проше́дшаго.

Богоро́дичен:  Во чре́во Твое́, Де́во, безсе́менно все́льшася, и ро́ждшася за неизрече́нное и коне́чное смире́ние, и на́с ра́ди Обнища́вшаго о все́х моли́ти не преста́й, Богоро́дице.

Пе́снь 8.

Ирмо́с:  Изба́вителю все́х Всеси́льне, посреде́ пла́мене благоче́ствовавшия, снизше́д, ороси́л еси́ и научи́л еси́ пе́ти: вся́ дела́, благослови́те, по́йте Го́спода.

Законополо́жник ра́б бя́ше Моисе́й, Иису́с же – Бо́г Заве́та Но́ваго, ны́не же обои́х Предте́ча пое́т, я́ко хода́тай: вся́ дела́, благослови́те Госпо́дня Го́спода.

От пу́ста чре́ва го́рлица прии́де, я́ко богосажде́нная дубра́ва, ны́не принесе́ Це́ркви Предте́чу Христо́ва и воспева́ет: вся́ дела́, благослови́те Госпо́дня Го́спода.

Богоно́снии лю́дие, язы́к свя́т, го́рлице Христо́вей уподо́битеся и медото́чно воспо́йте, в целому́дрии живу́ще: вся́ дела́, благослови́те Госпо́дня Го́спода.

Тро́ичен:  Тричи́сленным све́том озаря́еми, Несозда́нное Еди́ное Божество́, немо́лчными усты́ правосла́вно вопию́ще, почти́м: вся́ дела́, благослови́те Госпо́дня Го́спода.

И́н.

Ирмо́с:  Вся́ческая, Влады́ко, прему́дростию Твое́ю соста́вил еси́, земли́ же па́ки утверди́л еси́, я́коже ве́си, дно́, основа́нием водрузи́вый на вода́х безме́рных. Те́м вси́ вопие́м, воспева́юще: благослови́те, дела́ Госпо́дня, непреста́нно Го́спода.

Позна́л еси́, Предте́че, Ему́же поклони́лся еси́ пре́жде рождества́ и пре́жде пеле́н твои́х, Христа́ Жизнода́вца, и взыгра́ньми показа́л еси́ Сего́, Го́спода Твоего́ наре́к, взаи́м взе́м ма́терний язы́к к пе́нию Христа́, Бо́га на́шего.

Концы́ дне́сь вселе́нстии предпра́зднуют, ра́дуются А́нгели и ду́си пра́ведных, живу́щии веселя́тся, уме́ршии же па́ки, Иоа́нну ро́ждшуся, прие́мше и́м про́поведь все́х Спа́са Го́спода.

Подо́бяся дне́сь Иоа́нну, Иорда́н мо́крыми быстрина́ми игра́ше пресла́вно, слы́ша ражда́ема равноа́нгельнаго житие́м от ста́рицы непло́дны, исправля́ющаго пути́ и стези́ Госпо́дни и ми́р крести́вшаго.

Начерта́ дне́сь Заха́рия на дсце́ и́мя богонарече́нное проро́ка и Предте́чи, молча́ же воззва́: Иоа́нн да нарече́тся рожде́йся мне́ на ста́рость. Подо́бно е́сть от обеща́ния ро́ждшемуся стра́нное зва́ние.

Богоро́дичен:  Кре́пко утеше́ние и непосты́дну наде́жду, сте́ну необори́му и Боже́ственно предста́тельство лю́дие Твои́ и́мут Тя́, и́же Тя́ сла́вят, Де́во, и, спаса́еми, зову́т приле́жно: благослови́те, вся́ дела́ Госпо́дня, непреста́нно Го́спода.

Пе́снь 9.

Ирмо́с:  Сокрове́нное Бо́жие неизрече́нное в Тебе́ соверша́ется я́вственное та́инство, Де́во Пречи́стая, и́бо Бо́г из Тебе́ воплоти́ся за милосе́рдие. Те́мже Тя́ я́ко Богоро́дицу велича́ем.

Се́ гла́с Предте́чи непло́дным и пусты́м предста́ сердца́м вопию́щь: пу́ть Христо́в ны́не угото́вите я́ко во сла́ве гряде́т, ему́же повину́ющеся велича́ем.

Я́коже дре́вле Ду́хом Пресвяты́м я́ве пропове́дал еси́ Сы́на, Предте́че, А́гнца Бо́жия, ми́ра взе́млющаго грехи́, ста́ду твоему́ согреше́ний разреше́ние испроси́.

Тро́ичен:  Еди́ницу Тричи́сленную, Тро́ицу Единосу́щную, правосла́вно пою́ще, ве́рнии, просла́вим, богоде́тельне на́с озаря́ющую и светлостьми́ незаходи́маго све́та исполня́ющую ду́ши на́ша.

Богоро́дичен:  Все́ми влады́чествующая творе́нии, лю́дем Твои́м да́руй побе́ду одоле́ния, непокори́ваго подложи́ под но́зе во́инству: да Тя́ я́ко Богоро́дицу велича́ем.

И́н.

Ирмо́с:  Я́ко сотвори́ Мне́ вели́чия Си́льный, и свя́то И́мя Его́, и ми́лость Его́ в ро́д и ро́д боя́щимся Его́.

В тебе́ вели́кое се́ и пресла́вное Бо́г сотвори́ зна́мение, свяще́нниче: по ста́рости бо сы́на и по умерщвле́нии удо́в ражда́еши Предте́чу.

Да слы́шат непло́ды и да воспою́т Бо́га, се́ бо Елисаве́ть вопие́т: по ста́рости сы́на и по умерщвле́нии удо́в ражда́ю Предте́чу.

Весели́ся, Заха́рие, и ра́дуйся ны́не о Бо́зе: се́ бо Елисаве́ть сосцы́ пита́ет по ста́рости сы́на и по умерщвле́нии удо́в ражда́ет Предте́чу.

Сла́ва Да́вшему непло́дней по ста́рости пло́д, ста́рцу и проро́ку сы́на, гото́вяща Ему́ лю́ди соверше́нны, Боже́ственнаго Предте́чу.

Богоро́дичен:  В Тя́ всели́вся, И́же в не́дрех сы́й Оте́ческих роди́ся без стра́сти и тли́ и приведе́ на́с за милосе́рдие Отцу́ и Боже́ственному Ду́ху.

Свети́лен.

Предте́чево дне́сь радостотво́рное рожде́ние се́тование реши́т о́тча безгла́сия и ро́ждшия непло́дство, возвеща́ет же настоя́щую ра́дость и весе́лие. Те́мже и вся́ тва́рь све́тло то́е пра́зднует.

Богоро́дичен:  Проро́цы пропове́даша, апо́столи научи́ша и му́ченицы богому́дренно Твоего́ Сы́на, Богоро́дице, я́сно испове́даша, Бо́га все́х, Пречи́стая. С ни́ми же Тя́ велича́ем, Тобо́ю изба́вльшеся дре́вняго осужде́ния.

 
 
По теме
Именно жажда удовольствия и отвращение от страданий являются источником всей злобы и вражды - Женский монастырь Дивеево Преподобный Максим Исповедник Именно жажда удовольствия и отвращение от страданий являются источником всей злобы и вражды, пребывающих в человеческом мире с момента грехопадения.
17.11.2018
Митрополит Георгий провел совещание по вопросу установки в Нижнем Новгороде памятников - Нижегородская епархия Текст Андрея Рукавишникова 16 ноября в архиерейской резиденции в Вознесенском Печерском мужском монастыре Нижнего Новгорода митрополит Нижегородский и Арзамасский Георгий провел совещание по вопросу установки в Нижнем
16.11.2018
 
Митрополит Георгий совершил молебен в нижегородском храме в честь Воскресения Христова - Нижегородская епархия Текст Андрея Рукавишникова 16 ноября митрополит Нижегородский и Арзамасский Георгий совершил молебен в храме в честь Воскресения Христова, расположенном в Нижегородском благочинии Нижнего Новгорода.
16.11.2018
На Бору прошел конкурс чтецов «Святые заступники земли Русской» - Нижегородская епархия Текст Борского благочиния 14 ноября на Бору в культурном центре «Теплоход» прошел конкурс чтецов «Святые заступники земли Русской» для школьников, изучающих предмет «Основы православной культуры».
16.11.2018
Нижний Новгород. 16 ноября. НТА-Приволжье — День памяти мученика Акепсима, епископа (IV век).
16.11.2018
 
DSC_0742 - Крестовоздвиженский женский монастырь 12 ноября 2018 года обитель  Крестовоздвиженского женского монастыря села Быдреевка Семеновского района  отметила  70-летие Игумении Иулиании.
16.11.2018
В Нижегородской епархии прошел первый молодежный съезд «Церковь и молодежь: выбор молодежи и будущее православия» - Нижегородская епархия Текст Дарьи Петровой 15 ноября в актовом зале Нижегородской академии МВД России состоялся первый епархиальный молодежный съезд «Церковь и молодежь: выбор молодежи и будущее православия».
15.11.2018
IMG_9581 - Нижегородская академия МВД На базе Нижегородской академии МВД России состоялся первый Епархиальный молодежный съезд: «Церковь и молодежь: выбор молодежи и будущее православия».
15.11.2018
 
Епископ Августин совершил Божественную литургию в храме в честь Владимирской иконы Божией Матери села Светлое - Нижегородская епархия Текст Светланы Яшиной 14 ноября, в день памяти бессребреников и чудотворцев Космы и Дамиана Асийских и матери их преподобной Феодотии,
15.11.2018
Трезвость - норма жизни - Wyksa.Ru   источник: ОЦБСС Выксунской епархии В Свято-Успенском мужском монастыре прошел семинар Подготовка социальных работников по организации трезвенного просвещения и помощи страждущим на приходе С 12 по 14 ноября по бл
15.11.2018
 
Третьеклассники Саровской православной гимназии посетили Суворово - Саров24 Как сообщает сайт "Православный Саров", ученики 3А класса Саровской православной гимназии вместе со своими семьями и учителем Андреем Камчатным отправились в небольшое паломничество в пределах Саровского благочиния — в с
15.11.2018
Выпускникам духовно-просветительских курсов «Азбука православной веры» Борского благочиния вручены свидетельств об окончании - Нижегородская епархия Текст Борского благочиния 13 ноября на Бору в музее духовно-просветительского комплекса «Сергиевская слобода» состоялось вручение свидетельств об окончании духовно-просветительских курсов «Азбука православной веры».
15.11.2018
 
Анвар Балтаев, председатель общественной организации выходцев из Республики Узбекистан «Саховат» - Репортер и время Необычная фотовыставка под названием «Вечные ценности» открылась на днях в арт-студии «Стандарт».
15.11.2018
Прихожане Канавинского благочиния Нижнего Новгорода совершили паломничество в Свято-Введенскую Оптину пустынь - Нижегородская епархия Текст Канавинского благочиния 9-11 ноября прихожане храмов Канавинского благочиния Нижнего Новгорода совершили паломничество в знаменитые обители Калужской области – Введенскую Оптину пустынь,
15.11.2018
 
3-14 ноября студенты и преподаватели Нижегородской духовной семинарии и Центра подготовки церковных специалистов «Покров» имени митрополита Николая (Кутепова) посетили Свято-Троицкую Сергиеву лавру.
15.11.2018
Каковы наши мысли такова и наша жизнь! Поучения старца Фаддея Витовницкого - Женский монастырь Дивеево Каковы наши мысли такова и наша жизнь! В старце Фаддее Витовницком (1914-2003) сошлись традиции валаамцев, оптинцев и горняцко-туманских исихастов — учеников синайских исихастов.
14.11.2018
В Троице-Сергиевой лавре начался VII международный симпозиум «Природные условия строительства и сохранения храмов Православной Руси» - Нижегородская епархия Текст Надежды Муравьевой 14 ноября в Малом актовом зале Московской духовной академии (МДА) открылся седьмой международный научно-практический симпозиум «Природные условия строительства и сохранения храмов Православной
14.11.2018
 
Есть болезни, на исцеление коих Господь налагает запрет, когда видит, что болезнь нужнее для спасения, чем здоровье. - Женский монастырь Дивеево Святитель Феофан, затворник Вышенский. Есть болезни, на исцеление коих Господь налагает запрет, когда видит, что болезнь нужнее для спасения, чем здоровье.
14.11.2018
В Заволжье состоялся епархиальный этап XXVII Международных Рождественских чтений - Нижегородская епархия Текст сайта Городецкой епархии 9 ноября в православной гимназии имени святого благоверного князя Александра Невского, расположенной в городе Заволжье Городецкого района Нижегородской области,
14.11.2018
 
Рождественские чтения - Ветлужский район IV Епархиальные Рождественские образовательные чтения, которые прошли 9 ноября на базе Православной гимназии им.
14.11.2018
 
Нижний Новгород. 14 ноября. НТА-Приволжье – Икона "В родах Помощница" будет находиться в Покровском храме Богородска Нижегородской области в декабре.
14.11.2018
Участники нижегородского Центра создания православной семьи посетили Дивеево - Нижегородская епархия Текст Нижегородского благочиния 11 ноября участники Центра создания православной семьи имени святых Петра и Февронии Муромских, действующего при храме в честь Воскресения Господня города Нижнего Новгорода,
14.11.2018
 
Студенты и преподаватели нижегородских духовных школ посетили Свято-Троицкую Сергиеву лавру - Нижегородская епархия Текст Надежды Муравьевой 13-14 ноября студенты и преподаватели Нижегородской духовной семинарии и Центра подготовки церковных специалистов «Покров» имени митрополита Николая (Кутепова) посетили Свято-Троицкую Сергиеву
14.11.2018
Двухлетняя девочка умерла в нижегородском Доме ребенка предположительно от вирусной инфекции, - СК - НИА Нижний Новгород Фото: НИА Нижний Новгород Следователи возбудили уголовное дело по факту смерти двухлетней девочки, которая скончалась в "Выксунском доме Матери и ребенка" 12 октября.
16.11.2018 НИА Нижний Новгород
Злоумышленника задержал экипаж вневедомственной охраны Росгвардии Софья Штин / АиФ Сотрудники вневедомственной охраны управления Росгвардии по Нижегородской области задержали 31-летнего мужчину за нападение на бриг
16.11.2018 АиФ Н.Новгород
Митрополит Георгий провел совещание по вопросу установки в Нижнем Новгороде памятников - Нижегородская епархия Текст Андрея Рукавишникова 16 ноября в архиерейской резиденции в Вознесенском Печерском мужском монастыре Нижнего Новгорода митрополит Нижегородский и Арзамасский Георгий провел совещание по вопросу установки в Нижнем
16.11.2018 Нижегородская епархия
Именно жажда удовольствия и отвращение от страданий являются источником всей злобы и вражды - Женский монастырь Дивеево Преподобный Максим Исповедник Именно жажда удовольствия и отвращение от страданий являются источником всей злобы и вражды, пребывающих в человеческом мире с момента грехопадения.
17.11.2018 Женский монастырь Дивеево
DSC_0742 - Крестовоздвиженский женский монастырь 12 ноября 2018 года обитель  Крестовоздвиженского женского монастыря села Быдреевка Семеновского района  отметила  70-летие Игумении Иулиании.
16.11.2018 Крестовоздвиженский женский монастырь
В православный праздник Казанской иконы Божией Матери на новом кладбище Большого Мурашкина прошло освящение часовни, которая была построена жителями посёлка и названа в честь разрушенного храма, находившегося на старом кладбище,
08.11.2018 Газета Знамя
О вопросах долгостроев - Вачская газета Четырнадцатого ноября губернатор Нижегородской области Глеб Никитин провел рабочую встречу с министром строительства и ЖКХ РФ Владимиром Якушевым,
16.11.2018 Вачская газета
Фотосессия в рамке как в популярном приложении у участников Ночи искусств пользовалась успехом - Газета Знамя 4 ноября во всех регионах нашей страны прошла Всероссийская культурно-образовательная акция «Ночь искусств» под девизом «Искусство объединяет».
16.11.2018 Газета Знамя
4 ноября в рамках Всероссийской культурно-образовательной акции «Ночь искусств» рождественский СДК гостеприимно открыл свои двери и пригласил сельчан провести вечер в атмосфере творческого вдохновения,
16.11.2018 Газета Знамя
Павлу ГАВРИЛОВУ — 45! - ХК Старт Хоккейный клуб «Старт» поздравляет с днем рождения своего бывшего игрока Павла ГАВРИЛОВА!
17.11.2018 ХК Старт
"Точка отсчета. Автомобилестроение" - Воскресенский район 13 ноября в Государственном бюджетном учреждении дополнительного образования "Центре развития творчества детей и юношества Нижегородской области" прошел областной командный турнир "Точка отсчета.
17.11.2018 Воскресенский район
  Руководитель отделения рукопашного боя ДЮСШ «Салют», тренер высшей категории Игорь Куфтин рассказал о том, что у рукопашников постепенно происходит, и в основном уже произошла, смена поколений.
15.11.2018 Дзержинское время
  В Сочи прошли соревнования по пауэрлифтингу на Кубок России среди спортсменов с поражением опорно-двигательного аппарата (ПОДА).
16.11.2018 Дзержинское время
11 ноября в столице Республики Чувашия проходил республиканский турнир памяти лётчика-космонавта А.Г.
16.11.2018 Газета Знамя
Общественное обсуждение проекта документа стратегического планирования - Воскресенский район Источник: отдел экономики, прогнозирования и ресурсов администрации Воскресенского муниципального района Нижегородской области В соответствии с Федеральным законом от 28 июня 2014 года №172-ФЗ «О стратегическом планир
16.11.2018 Воскресенский район
Плановое отключение электроэнергии 16 ноября 2018 года с 08-00 до 17-00 часов - Воскресенский район Автор: В.Е. Пайков Заместитель главы администрации района  Администрация Воскресенского района предупреждает о плановых ремонтах, проводимых на линиях электропередач Воскресенским РЭС.
16.11.2018 Воскресенский район
Фото: Нижегородский водоканал «Нижегородский водоканал» заключил соглашение с многофункциональным центром предоставления государственных и муниципальных услуг (МФЦ для бизнеса) о приеме документов.
16.11.2018 NewsNN.Ru
Нижний Новгород. 16 ноября. НТА-Приволжье – "Нижегородский водоканал" завершил проект по подключению жителей деревни Бешенцево к централизованному водоснабжению.
16.11.2018 НТА-Приволжье